Háskóli Íslands

Fréttamennska - Þemadagur

Fréttavinnsla og heimsókn í Ríkisútvarpið.  Nemendur setja sig í spor fréttamanna og prófa sitt eigið fréttanef!

Á Háskólasvæðinu er mikið að gerast og fara nemendur um svæðið sem fréttamenn og þefa uppi áhugaverð umfjöllunarefni sem þeir vinna sjálfir fréttir um. Fréttir nemenda verða birtar á þessum vef.
 
Einnig fara nemendur í heimsókn í Ríkisútvarpið. Þar gefst tækifæri til að skoða hljóð- og myndver sjónvarpsins ásamt því að skoða aðra króka og kima hússins. Nemendur hitta einnig frétta- og dagskrárgerðarmenn Ríkisútvarpsins og þeim gefst kostur á að spyrja þá spurninga um störf fréttamanna, fréttamat, beinar útsendingar og fleira.
 
Kennarar: Stefán Drengsson og Bára Huld Beck, MA-nemar í blaða- og fréttamennsku við Háskóla Íslands.