Háskóli Íslands

Skráning í Háskóla unga fólksins 2015

Skráning í Háskóla unga fólksins 2015 hefst fimmtudaginn 21. maí kl. 18.00 og fer eingöngu fram rafrænt hér á vef skólans. 
 
Hver og einn nemandi útbýr sýna eigin stundatöflu og því er mikilvægt að kynna sér mjög vel fyrirkomulagið og námskeiðin sem í boði eru áður en skráning hefst. 
Við hvetjum alla til að hafa við höndina lista yfir óska námskeiðin við skráningu, sem og lista yfir námskeið til vara ef óska námskeiðin eru kennd á sama tíma eða ef einhver þeirra eru orðin fullbókuð. 
Einnig hvetjum við nemendur sem hafa verið áður í Háskóla unga fólksins til að prufa önnur námskeið í ár en valin voru síðast. Það er mun fróðlegra og skemmtilegra að upplifa eitthvað nýtt og spennandi heldur en að sitja sama námskeiðið tvö ár í röð.
 
Endanlegur listi yfir námskeiðin í boði í ár er tilbúinn, sjá hér.
 
Háskóli unga fólksins 2015 er starfræktur dagana 10.-13. júní og er fyrir nemendur í 6.-10. bekk grunnskóla. Námskeiðsgjaldið er kr. 19.000, léttur hádegisverður innifalinn.
 
Við bjóðum nýja nemendur hjartanlega velkomna!