Tölvuleikjahönnun
Námskeið í 90 mín.
Á námskeiðinu verður farið yfir mikilvæg skref sem þarf að hafa í huga þegar kemur að hönnun tölvuleikja. Nemendur fá aðgang að einfaldri útgáfu af tölvuleik sem þeir fá tækifæri til að gera eigin útfærslu á. Lögð er áhersla á tilraunir, skapandi hugsun og að þau sjái hvernig þeirra ákvarðanir geta haft áhrif á upplifun spilara á leiknum þeirra.
Nemendur fá að kynnast því að vinna með sérsmíðaðan hugbúnað til þess að gera uppfærslur á sinni hönnun, s.s. hljóði, hraðabreytingum, litum, ögnum (e. particles) og öðrum minni breytingum.
Leiðbeinendur námskeiðsins munu stuðla að einstaklingsmiðaðri kennslu til að mæta nemendum með ólíka reynslu og þekkingu á viðfangsefninu. Þannig geta allir prófað að dýfa litlu tánni í undraheima forritunar.
Þema 180 mín.
Á þemadegi verður farið yfir allt grunnnámskeiðið og að því loknu er farið í vettvangsferð í höfuðstöðvar CCP í Grósku. CCP er stærsta tölvuleikjafyrirtæki á Íslandi. Þar fær hópurinn kynningu á fyrirtækinu, vinnuaðstöðu og að hitta fólk sem vinnur við tölvuleikjagerð.
Titill
Hvernig námskeið
- Námskeið í 90 mín
- Þema í 180 mín
![](/sites/ung.hi.is/files/styles/squared_small/public/2023-05/kri_huf_220615_050.jpg?h=1d5a4d10&itok=ajZuyVeD 479w, /sites/ung.hi.is/files/styles/squared_medium/public/2023-05/kri_huf_220615_050.jpg?h=1d5a4d10&itok=UA2h6p3W 480w, /sites/ung.hi.is/files/styles/squared_large/public/2023-05/kri_huf_220615_050.jpg?h=1d5a4d10&itok=DaQzCR9_ 768w)