Það var þemadagur í Háskóla unga fólksins miðvikudaginn 14. júní og þá sátu nemendur sama námskeiðið allan daginn.
Sumir fóru á stúfana t.d. nemendur í mannréttindum sem fóru í heimsókn á Mannréttindaskrifstofu Reykjavíkurborgar. Nemendur í íþrótta- og heilsufræði fóru í hjólaferð og fengu kennslu í frisbígolfi og nemendur í tölvuleikjahönnun fóru í vettvangsferði í höfuðstöðvar stærsta tölvuleikjafyrirtækis landsins CCP í Grósku.
Safnakennarar í Þjóðminjasafninu tóku á móti nemendum og leiddu um undraheima safnins. Í hönnun vélmenna - skapandi smiðju bjuggu nemendur til litla fígúru, tæki eða annað álíka úr einföldum efniviði. Í heimspeki og kvikmyndum fengu nemendur að skyggnast á bak við tjöldin í Bíó Paradís. Í Veröld - húsi Vigdísar ferðuðust nemendur um heim tungumálanna og fengu innsýn í framandi menningarheima.
Í Mixtúru í Skaftahlíð voru nemendur í sköpun og stafrænni tækni að vinna með hugmyndir sínar, teikna og skera í vínilskera og geislaskera. Í smiðju um Geðheilbrigði og tilfinningar lærðu nemendur um geðheilbrigði og ýmis bjargráð sem nýtast til að efla eigin geðheilsu. Í þessum þemum og fleirum leyndi áhugi nemenda sér ekki og má sjá myndir af þemadeginum hér.
![Háskóli unga fólksins 2023](/sites/ung.hi.is/files/styles/photo_small/public/2023-06/20230614_ernir_dsf3592_2.jpg?h=19842dfc&itok=YFRtIR27 479w, /sites/ung.hi.is/files/styles/photo_medium/public/2023-06/20230614_ernir_dsf3592_2.jpg?h=19842dfc&itok=S5L-vHuG 480w, /sites/ung.hi.is/files/styles/photo_large/public/2023-06/20230614_ernir_dsf3592_2.jpg?h=19842dfc&itok=PF3KXLQL 768w, /sites/ung.hi.is/files/styles/photo_extra_large/public/2023-06/20230614_ernir_dsf3592_2.jpg?h=19842dfc&itok=LXG6mX83 1024w, /sites/ung.hi.is/files/styles/photo_full/public/2023-06/20230614_ernir_dsf3592_2.jpg?h=19842dfc&itok=Eyq2wYHB 1440w)