Stjörnufræði

Námskeið í 90 mín.

Hvað eru stjörnuhröp? Hafa loftsteinar fallið á Jörðina og ef svo, gæti það gerst aftur? Í námskeiðinu förum við fyrst í ferðalag um stjörnuhiminninn og síðan út í sólkerfið okkar. Við stoppum á skrítnum stöðum, veltum fyrir okkur hvort einhvers staðar gæti leynst líf fyrir utan Jörðina.

Þema 180 mín. 

Jörðin, tunglið og sólin 
Á þemadeginum ætlum við að fjalla um Jörðina, tunglið og sólina. Á Jörðinni fræðumst við um eldgos og handleikum steina. Við skoðum sólmyrkva og tunglmyrkva, könnum flóð og fjöru og af hverju tunglið vex og dvínar. Loks skoðum við sólina, hvernig hún varð til og hvernig hún endar ævina. Ef veður leyfir förum við út í sólskoðun.