Skráningar
Hvernig skrái ég mig?
Lokað hefur verið fyrir skráningar 2024. Næst verður Háskóli unga fólksins haldinn 10 - 13. júní 2025 og opnað fyrir skráningar um miðjan maí 2025. Nánar auglýst síðar. Árið 2025 geta árgangar 2011, 2012 og 2013 skráð sig.
Skráning í Háskóla unga fólksins fer eingöngu fram rafrænt hér á þessari síðu.
Skráningargjaldið er kr. 25.000.
Háskóli unga fólksins fyllist ætíð fljótt þegar opnað er fyrir skráningar og er því mikilvægt að öll séu tilbúin á réttum tíma.
Við þökkum þann gríðarlega áhuga sem skólanum er sýndur. Aðsóknin er langt umfram væntingar. Það er afar gaman að finna þennan mikla áhuga á námi, vísindum og rannsóknum hjá ungu kynslóðinni.
Upplýsingar um skráningu
Nemendur velja stundatöflu A-O þegar opnað er fyrir skráningar. Skráning fer eingöngu fram rafrænt. Öll eru leidd í gegnum skráninguna skref fyrir skref. Margar stundatöflur fyllast samdægurs.
Athugaðu að það er alltaf mikið álag á skráningarkerfinu og því getur tekið smá stund að komast að. Ef stundatafla birtist ekki á settum tíma í skráningarkerfinu er uppselt í töfluna og þá þarftu að velja aðra í staðinn.
Ekki er skipt í aldurshópa í Háskóla unga fólksins og er skólinn opinn fyrir nemendur sem fæddir eru árin 2011 - 2013 sumarið 2025.
Gott að hafa í huga við skráningu
Hér eru nokkrir punktar sem gott er að hafa í huga við skráningu:
- Verið viðbúin þegar opnað verður fyrir skráningu. Skólinn fyllist mjög fljótt.
- Vinsamlegast kynnið ykkur námskeið og stundatöflur sem eru í boði. Hægt er að velja úr 14 stundatöflum, A - O.
- Um leið og stundatafla fyllist fellur hún út sem valmöguleiki í skráningarkerfinu og þá þarf að velja aðra í staðinn.
- Vinir geta ekki búist við því að lenda saman því margar stundatöflur fyllast strax. Átján nemendur komast að í hverja stundatöflu.
- Það borgar sig að vera skipulögð og snögg. Tæknileg tímamörk eru nauðsynleg til að tryggja virkni vefsins og því er ekki hægt að staldra of lengi við í hverju skrefi í skráningarferlinu. Verið fljót að fylla út reiti og velja í hverju skrefi.
- Skráningu er ekki lokið fyrr en þátttakandi hefur greitt og fengið staðfestingu.
- Vinsamlegast verið með allar upplýsingar til reiðu, s.s. kennitölu, nafn, netfang, heimilisfang og GSM-síma nemanda og greiðanda. Mikilvægt er að hafa greiðslukortið við höndina.
- Vegna mikillar aðsóknar sem er alltaf umfram framboð er því miður ekki hægt að tryggja öllum sæti. Þrátt fyrir að öllum leiðbeiningum hér að framan sé fylgt er því ekki að hægt að tryggja að skráning takist.
- Vinsamlegast athugið að ekki er hægt að breyta um stundatöflu eftir á.
Við óskum ykkur góðs gengis við skráninguna og hlökkum til að sjá ykkur!
